Ek ladki hamare college mein thi,
khoobsurat thi, isliye sabke knowledge mein thi,
Aishwarya ki tarah hansti thi, Madhuri ki tarah muskurati thi,
Anuradha paudwal ke tarah gaati thi,
per dosti ke naam per Lalita Pawar ban jaati thi,

College mein bahut se ladkon ki tarah hum bhi uske peeche the,
woh Asmaan thi to hum jami se bhi neeche the.
Per tabhi valentine Day aaya,
Humne bhi unhe propose karne ka mann banaya,
hathon mein lal gulab ka phool lekar main uske paas gaya aur bola–
‘Kabhi to apne dil ka dwar mere liye kholo,
Hey! Lalita Pawar aaj to Aishwarya banke bolo.
Propose maan lo hamara, beech se is Amrish puri ke angoothe ko hatao,
main tumhari aur tum meri aankon mein doob jaao.’

Usne kaha — “‘BHAI SAHAB’, 
Agara kisi kavi ki hoke main reh jaungi,
to America ya Japan kaise ghoom paaungi.”

Maine kaha–”Main tumhe Kavita pe baitha kar America dikhaunga,
lautogi jab wahan se to Japan bhi ghumaunga.”

Woh Boli–” kaviraj baatein na banaiye,
AISH ki chahat hai to CASH bhi dikhaiye.”

Maine kaha– “Main cash se to flash hoon.”

Woh Boli—”Aapki kavitaon mein dam hai main janti hoon,
dil bhi khas gram se jyade hai aapka, main manti hoon.
Aapki kavitaon mein aag hai
per apka chulha ekdum thanda hai,
Jeb to bahut hain aapke kapdon mein
per apka dhandha ekdum manda hai.
Jahan tak PROPOSE maanane ka sawal hai,
Is mamle mein hum thode aise-waise hain,
hum to jayenge unke saath jinke haathon mein Bike
aur jeb mein Paise hain.”